الكتابة هي إني أعَبَّر عن اللي جوايا، واللي جوايا كتير، حاجات تتقال في الهوا كده، وحاجات كتير تفضل في بير.. والناس تحب تقول وتعيد، من غير اعتبار، من غير فهم، من غير تفكير.. ماهو كله كلام، الناس فاكراه في الهوا بيطير.. والفرق بينا بيبقى باين في كلامنا، هل هو فارغ..؟ عابر..؟ بدون تأثير؟ واللا كلامي بيدخل جواك؟ ويسيب أثر؟ يعمل تغيير؟ يارب ياخالق الكلام واللغة، وواضع أصول التفاسير.. خلي كلامي يدوم ويبقى، وان رُحت أنا، يفضل تأثير.. تأثير يبدّل سكك، ويقلب موازين غلط، يعمل تغيير.. -أنا.. ٢١ديسمبر٢٠٠٩
18 يوليو، 2006
لبنان
لبنان بتنضرب
العرب بيتفرجوا
العالم سادد عينيه وودانه
الأمم المتحدة .. تحت أمر الفيتو
وانا وانتوا .. كل واحد في حاله
و عجبي !!
أنا ضد الحرب والجيوش
والناس اللي بتموت من غير سبب
أنا ضد التضحية بشعوب بأكملها
علشان انتماءات عرقية وعقائدية اصحابها صبغوها بالوطنية
لبنان بتموت يا اسرائيل .. كفاية خبث و تجبر
لبنان بتموت يا عرب .. كفاية سلبية وتعفن
لبنان بتموت يا امريكا .. كفاية تحيز وظلم
لبنان بتموت يا عالم .. لبنان بتموت
الاشتراك في:
الرسائل (Atom)