طَفَح كيل الحياة
ووِصِل لِمُنتَهاه..
والمتعة انك تعيش
راحِت.. خلاص.. مافيش
بس في شمعة جديدة،
نَوَّرِت عَتمِة ظلامَك
لَمَّا شُفْت ان حياتَك
مش مُهِمّ فيها راحْتَك
الْمُهِمّ تكون قيمِتْها
عند حَدّ تاني عَاوْزَك
واحتياجُه لِيك يِصَحِّي
شَهوِتَك إنك تعيش
واعتمادُه عليك ينَسِّي
ضَلمِتَك..
ومُرّ وِحدِتَك..
وسُكات غِنوِتَك.
وساعِتها الكيل اللي طَافِح
المستَمِر.. أيوة لِسَّه،
ها يخَفِّفُه نور الملامِح
اللّي لِسَّه شايفَة ان حِسَّك..
في دُنيتهُم مُهِمّ
وصُوتَك..
ف غِنوِتْهُم مُهِمّ
وسكُوتَك..
أو حتى إحساسَك بِمُوتَك وانتَ حَيّ ..
بَرضُه عندُهُم مُهِمّ
-أنا