الضعف مش عيب
ده سمة البشر
وإقراره مُفَجِّر
للقوة العَلَويّة المُغَيِّرة للحال
بس إقرارَك بضعفَك..
لمين؟
للي بيِدِّي قُوَّة؟
واللا للّي بيضعَف
زَيَّك ومَعَاك؛ البشر؟
-هاني فخري
14 سبتمبر 2017
الكتابة هي إني أعَبَّر عن اللي جوايا، واللي جوايا كتير، حاجات تتقال في الهوا كده، وحاجات كتير تفضل في بير.. والناس تحب تقول وتعيد، من غير اعتبار، من غير فهم، من غير تفكير.. ماهو كله كلام، الناس فاكراه في الهوا بيطير.. والفرق بينا بيبقى باين في كلامنا، هل هو فارغ..؟ عابر..؟ بدون تأثير؟ واللا كلامي بيدخل جواك؟ ويسيب أثر؟ يعمل تغيير؟ يارب ياخالق الكلام واللغة، وواضع أصول التفاسير.. خلي كلامي يدوم ويبقى، وان رُحت أنا، يفضل تأثير.. تأثير يبدّل سكك، ويقلب موازين غلط، يعمل تغيير.. -أنا.. ٢١ديسمبر٢٠٠٩