كل ذنوبي..

كُلُّ ذُنُوبِي جَمْعَاءْ ؛

أَنّي اختَرتُكِ

- أناِ

بداية ونهاية ..

كل شيء له بداية ونهاية..

فاستمتع به،

دون أن تفكر كثيراً في: "كيف بدأ..؟"

أو أن تخاف كثيراً من: "متى سينتهي..؟"

- أنا

النتيجة واحدة ..

سواء انتَ ظلمتني،

او أنا اللي ظلمتَك،

النتيجة واحدة؛

هي اني خسِرتَك.

وسّع مداركك..

لا يمكن قولبة العِلم فيما تعلّمتَ أنتَ منه،

ولا يمكن قولبة الروحانية فيما أَملَى عليك الأوَّلُون ..

وسّع مداركك قبل مهاجمة مالم ولا تعرفه.

فوق الطاقة ..

 أثقال فوق الطاقة 

‏حتي بلغ اليأس من الحياة أكمله،

‏وصار الموت أمنية وحلماً،

‏وغاب هؤلاء وأولئك،

‏وبلغ نفورهم منك أعظمه.

اللي جواه نور ..

اللي جُوّاه نُور، ها ينوَّر،

ولَوْ في أَشَرّ الأماكن.

حوار إفتراضى مع فتاة ليل – شعر: عصام مقار

قُولي الحِكَاية

زَي مَا انتي بتعِيشِيها

كُل تَفصِيلة ف بالِك

حَتَّى لَو كُنتِي نسِيتِيها

قُولي كِلمَة مِن زَمان

كُنتي تِتمَنّي تقُوليها

قالت !

الحكاية مِن طريقي تَختَلِف

فيه زبون هاوي و غيرُه مُحتَرِف

بس لو تسألني أَجاوبَك:

مِن كِلاهُم باتقِرِف

باتقِرِف مِن صُوت كَلامهُم

حتىَ مِن كِذب اهتِمَامهُم

وانهم حابّينّي خالِص

و انه مِش مُهِم خالِص

رِيحتي تُخرُج مِن هُدومهُم

كذابِين كُلُّهُم لاغيين عُقُولهُم

زى الحيوانات باشُوفهُم

يِشتِكُوا قَسوِة ظُرُوفهُم

كُلُّهُم بِيِستَخَبُّوا

جُوَّه حُضنِي

و يِشتِمُونِي بين صُحَابهُم

وان انا واقفَة يُومَاتِي عند بَابهُم

وان انا رخِيصَة وكِدَه

وان انا مِتعَوّدَة

وانهُم رِجَّالَة صَح

واللي بَقَى نفسه في دح

و اني هَاريَاهُم كَلام

و هُمَّ وَلا أَيّ اهتِمَام

شِيئ بيِجرَح لما تبقَى

فِي الحَيَاة قِيمتَك فِي جِسمَك

أى واحِد وِ السَلام

كُلُّهُم بيخَبُّوا إسمَك

بَس علشَان المزَاج

او ليالِي الاحتِيَاج

الحقيقَة انهُم

زى باقي الحَيَوانَات

إِنَّما أنا دايماً باشُوفهُم

فِي مَوَاسِم الهِيَاج

مش بَاقُول لَك إِنّي حِلوَة

زَيّي زَي كُل البَنَات

بَس انا أَصرَح كِتِير

من هؤُلاءِ الحِمِير

الرجُولَة لمّا تِغلَط

تِبقَى غَلطِتهَا بضَمِير

كُلُّهُم لابسين وُشُوش

بَرَّه أُوضتِي تقُول وُحوُش

تَحت رِجلي فَشُوش فَشُوش

تِفتِكِر مِين فِينَا عَاهِر..؟

تِفتِكِر مِين الشَرِيف..؟

تِفتِكِر لَو بَصُّوا جُوَّة

يِطلَع مِين فِينا النِضِيف..؟

اللي بِتبِيع جِسمَهَا عَلَشَان رِغِيف

ولا اللي سَارِق مِنهَا حِقّ الرِغِيف..؟

عصام مقار

يبطّلوا يوعظوا ..

آه لو يبطّلوا يوعظوا،

ويبتدوا يتّعظوا..

- أنا

الحياة ما بتقفش على حد ..

الحياة ما بتقفش على حد .. 

بس بتتوقف عند ناس .. 

وبتفوت زي القطر من جنب ناس تانية ..

- أنا

سهل .. وصعب ..

يا خسارة يا زمن، فيك البني آدمين بقوا زي الفلوس،

سهل تخسرهم، وصعب تكسبهم.

- أنا