الكتابة هي إني أعَبَّر عن اللي جوايا،
واللي جوايا كتير،
حاجات تتقال في الهوا كده،
وحاجات كتير تفضل في بير..
والناس تحب تقول وتعيد،
من غير اعتبار،
من غير فهم،
من غير تفكير..
ماهو كله كلام،
الناس فاكراه في الهوا بيطير..
والفرق بينا بيبقى باين في كلامنا،
هل هو فارغ..؟
عابر..؟
بدون تأثير؟
واللا كلامي بيدخل جواك؟
ويسيب أثر؟
يعمل تغيير؟
يارب ياخالق الكلام واللغة،
وواضع أصول التفاسير..
خلي كلامي يدوم ويبقى،
وان رُحت أنا،
يفضل تأثير..
تأثير يبدّل سكك،
ويقلب موازين غلط،
يعمل تغيير..
-أنا..
٢١ديسمبر٢٠٠٩
08 مايو، 2024
مش بطولة
الجدعنة القاتلة للذات .. مش بطولة
واحتمال مالا يحتَمَل .. مش شطارة
والسكوت عن اللي ما يتسكتش عليه .. مش ترفّع ولا ارتقاء
و توقع ما لن يأتي .. مش أمل
و البقاء في كل الدوائر دي .. لاشيء سوى فناء و انتهاء و موت معاش
ليست هناك تعليقات:
إرسال تعليق